صاحى الصبح او بالليل

موضوع: صاحى الصبح او بالليل 27/10/2007, 14:00

صاحي الصبح او بالليل
بدري او وخري
اي حاجه مش مهم
تغسل وشك او ماتغسلوش حاجه ترجعلك برضه احنا في بلد الحريه كل واحد حر في وشه مادام قفاه ملك الحكومه
المهم تاكل لقمه او متاكلش لاسباب كتير
ممكن تكون عامل دايت خاص بيك او مشترك في الدايت الجماعي اللي الشعب
عامله
خلينا في المهم
تخرج من البيت او العشه او تقوم من على الرصيف مش مهم تتشعلق في اي حد معدي
يقوم مديك بالبوكس في وشك ايه ياعم انتا فاكرني اتوبيس
معليش ماخدتش بالي تقوم ناطط من على كتف الراجل وبحركه بهلوانيه مدهشه
هوووووووووووب
جوه الاتوبيس وعلى حجر السواق جوووووووووووووووووون
والناس تهلل والحريم تزغرط والمصريين اهما حيويه ونط وخفه
طبعا تاخدلك قلمين من السواق عشان تكتب بيهم في الامتحان وتتحشر تحت اي كرسي
دا لو في كراسي

اصلي سمعت انهم هيوسعوا الاتوبيسات

ويشيلوا الكراسي والسواق

توصل الحته اللي انتا بتشتغل
فيها مش مهم
ولو مابتشتغلش دور على شغل
ولو مالقيتش الواد شغل
روح القهوه هتلاقيه بيضرب حجرين مع البت بطاله الشغاله
والحجرين قاعدين يعيطوا
مش مهم برضه
ترجع من الشغل تدخل تنام او ماتنامش
لو مش جايلك نوم ممكن تشم ريحة رجليك
هيغمن عليك وتنام على طول
مش مهم برضه
وانتا نايم كده على السرير او الحصير مش مهم
وبتبص للسقف وفي منتهى السرحان
يقوم معدي برص تقوم تموته

وترجع تسرح تاني وتفكر في حياتك انتا عايش فعلا

ولا اهي ايام بتعدي

المهم بقى في كل ده انتا عندك قيمه عايش من خلالها ولا لأ

عندك قضيه بتكافح عشانها ولا لأ

اذا كان عندك يبقى مبروك انتا عايش
ولو مش عندك انا سمعت عن اوضه بمنافعها
في الطرب ممكن تفيدك

الهدف من الرغي ده كله ان كل واحد يقرا الموضوع ده
يعرض قضيته والقيمه اللي هوعايش عشانها
وبيحارب ويكافح عشانها وممكن يضحي بالغالي والرخيص
عشان ينتصر للقضيه دي
والقضيه دي ممكن تكون قيمه اجتماعيه اودينيه او نفسيه
يعني مش شرط سياسيه
ومش عاوزين كلام وخلاص عاوزين ملخص للقضيه دي
وانتا عملت ايه عشانها وهتعمل ايه
عاوزين نستفيد من بعض وكل واحد يعرض الطرق

اللي حاول من خلالها يخدم قضيته
لأن الكلام ماأكثره اما العمل فقد مات بحسرته

واهي فرصه اننا نرقع بالصوت
عشان الكتكوت اللي جوانا مايتخنقش ويموت
او يفرقع
من كتر السكوت
بس المره دي صوت مع نتايج

ملموسه محسوسه من غير بتنجان وكوسه

وكمان
ولا مش مهم

بس خلاص تصبحوا على خير..توته توته خلصت الحدوته

أخبرني أيها الأنسان..كيف أستطيع ..أن أفك تجاعيد الظلم..
من على جبين الإنسانيه..كيف أستطيع أن أرفع قامتها المحنيه
وأهمس لها بالحريه.. وأصرخ ..فتجيبني دمعه
لماذا الكلام ... لماذا الكلام....

***************************

موضوع: رد: صاحى الصبح او بالليل 27/10/2007, 14:06

موضوع: رد: صاحى الصبح او بالليل 28/3/2008, 17:27